Hadien wa ha ka 13 tarik uni u bnai ka seiñ HNYF-WJZ da khang ko ya i dukan Jio Point wa em ha Nartiang neidaw wym pynuiñ ya ka poisa kawi ka bru kawa da dep phah tiar tangwa khlem poi ki tiar.
Ynne ka sngi da wai biang ya kani ka dukan hadien wa da e lut ka poisa yong ka Anita Symblai.
Neiliang u President ka seiñ, u H.W. Sutong da e khublei u ya ki wakreh kani ka dukan kiwa da kreh chitom wow pynyoh ya kani ka poisa, da e khublei u leh ya ki pulit ka Nartiang Police Station wa da yakreh chitom ki chirup wa ka seiñ yow pynyoh ya kani ka poisa yong ka Anita.
Ka seiñ kwah ko leh wow pynsñiaw cha ki paidbah wym toh u tieñ næ dooh chaniah ya kani ka yung krehkaam neibhah wa ka Anita wa slem ko u yoh ya ka poisa yong ka toh neidaw wa ki wakreh katai ka Company ong ki wa hap bood ki ya ki kyndon (Protocol) yong ka Company deiwa lai iwi pa iwi.
