Ka Khasi Students’ Union Nangbah Unit hadien wa da dep khang tala ya ka chnat ka Punjab National Bank wa em ha chnong Nangbah ha ka 18 tarik uni u bnai na ki daw wa katai ka Bank ym em kheiñ snep ya ki phang dawa ka seiñ iwa da sah la kamwa chi snem.
Ynne ka sngi hadien wa yoh ya ka chithi wa da kular wow phah ya ki bru wow pait yei thaw booh ATM wei kamjooh leh wow chimkhia ya kiwi kiwa da dawa ka seiñ. Kamtæ ka seiñ ha ka yalang wa da pynman ynne ka sngi da yatai bniah hajrong kani ka chithi wa da phah da katai ka Bank wei da iwi i yumut da rai wa katni chipor u e laad u wai kamwa jooh man.
Ka seiñ da phah ko leh ya ka chthi jubab wa da pdiang yei jubab kani ka Bank wei daw yang hapoh chi bnai wow pynkrehkaam yei dawa wei lada ym mihsoh ym yohsa wow chim da kiwi ki laad pyrchah ya katai ka Bank.
Puræ leh: Khang tala ka KSU Nangbah Unit ya ka PNB Bank
