Wai biang ka Nepal ya ki Social Media hadien wa yap 19 ngut

Ka Nepal da wai biang ko ya ki rynsan Social Media hadien wa mih i yakhih wa joor iwa da wanrah yei yap ki 19 ngut wa i mynsoo ki spah ngut ki bru.

I awri da sdang i nadooh ka 6 tarik uni u bnai hadien wa ki hajar ngut ki khynroo da tia ki cha ka Parliament ha Kathmandu wow dawa wai biang ya ki 26 tylli ki Social Media Platform wa kynthup ya ka Facebook, YouTube, Instagram, WhatsApp wa kiwi kiwi.

Ki khynroo da dawa ki leh wow pynchitom ya kiwa baamtooh kamjooh wow pyrchah yei synchaar embor ka sorkar.

Neiliang ki pulit da siat ki da ka um, ki lathi wa ki kuli jri cha kiwa yakhih. 

Ynnin i miet da pynman ya ka Cabinet Meeting wa jhan, wei neiliang u Montri ka Communications and Information, u Prithvi Subba Gurung da pynbna u wow dam noh u khang ya ki Social Media katkam wa dawa ka Gen Z.

U Prime Minister ka Nepal, u KP Sharma Oli da sñiawkhia u yeiwa yap ki 19 ngut deiwa pynbaad wa ini toh i leh da ki kattu katni ki bru wa chim kabu heiwa da thung leh ya ka takit wow tih tre yeiwa jia waroh.

Related posts

Da ki yalehke tynre pynman ka KKC Seiñraij Jowai wow leh warom ya ka lyngkhooh sngi yap u Kiang Nangbah

December 22, 2025

Ki wym ye u pyndep ya ka e-KYC daw chah pyndooh i bhah yoh khoo rachon ki

December 22, 2025

Ka sorkar Nepal da phah ko leh ya ki Social Media Company wow Register ki wa ka Ministry of Communication and Information Technology.

Ka Social Media man ko kawa emkaam bha ha Nepal, heiwa da chaniah ya ka da ki phaw lak ngut wei i thmu ka sorkar toh wow phah ya ki u bood ki ya ki kyndon ki aiñ ka ri.