Ha ka 25 tarik uni u bnai, ka Sohkha Shnong Music Club da yoh ko wow wai yaka Home Stay ha Sohkha Shnong kawa tip kam ka Silent Spring Home Stay.
Ya kani ka Home Stay da ye wow pynkhreh, pyndap pynbiang wei kyrchaan da ki para dkhot yong ka Club kamwa ka sorkar da pynchlur ko ya ki bru samen, ki seiñ chnong wa kiwi de yow pynku ya ki kaam uiñke suwari ha ki thaaiñ wa cha palatsor deiwa booh ya ki Home Stay ha ki chnong ki thaw, kamtæ leh ka Music Club da pyrchang ko da i bor wa khian wow wai ya kani ka Home Stay ka wow pynsuk ya kiwa wan uiñke cha thaaiñ War Jaiñtia yow yoh thaw pynwiar ngiah ki wei wow sah pyngngaad.
Ha kani ka sngi da wan wow wai ya kani ka Home Stay da u Stephan Mukhim, MLA warim ka Amlarem deiwa emlang u CEM warim ka JHADC, u Madonbai Rymbai ryngkat leh waroh ki dkhot yong ka Club.
Ha kani ka sngi chwa wow wai yaka Home Stay da yoh wow pynman yaka yalang wa tbian wa pynlai da u H.R. Lanong, President SSMC wei da yoh leh yei klam e mynsien na u Stephanson Mukhim.
Discussion about this post