Ka Hynñiewtrep Achik National Movement (HANM), East Jaiñtia Hills District, da yoh ko wow wai pynemkaam noh ya ka yung krehkaam yong ka ha Dkhiah West, East Jaiñtia Hills District, heiwa da wan wai ya kani ka yung krehkaam da u President Rangbah ka seiñ u Lamphrang Kharbani ha kani ka 6 tarik wa dep.
Neiliang u Lampharng da e khublei u ya waroh ki dkhot kiwa da kreh chitom ha East Jaiñtia Hills District, hajrong i ye u pynmankaam ya ki kaam ka seiñ, da ong u leh wa kam ka seiñ da kreh ko neibynta i bha i miat yong ka jaitbru wei i ye wow wai ya kani ka yungkrehkaam daw pynyajan chooh chooh ya ki kaam ki jaam yong ka seiñ wa ki paidbah hapoh ka District.
Neiliang u Comly Lyngdoh, President West Jaiñtia Hills da ong u wa i yoh ya kani ka yung krehkaam daw e myntoi ko chiboon ya ki paidbah yong ka District neibhah lyngba i em kani ka yung krehkaam ka seiñ daw yarap ko wow yachem markhmat wa ki bru wa emkaam ya krehlang wa ka seiñ.
