Wa joor ware i sih u sarok ha ka chnong Shella, East Khasi Hills, ka seiñ Hynniewtrep Youth Council (HYC) dei sñiawkhia da pynman ko ya ka yalang wow wai ya ki nan dakha ha ki sarok wa da chong um neidaw wa da sih ware ki.
Ka HYC Shella Area Unit ha kani ka 26 tarik da booh ko da ka kot rben heiwa da thoh ya ki kyntien wa ong pdiang sñiawbha cha ka yalang wow wai ya ki nan dakha ha u sarok Saikarap-Shella (Sohra-Shella Road) wa da pait da yoo da ka PWD (Roads) ka sorkar jylla.
Neiliang ka seiñ da ong ko wa ini i leh yong ka toh kam ka dak wow pyrchah yei slem u kreh pynmiat ya uni u sarok heiwa ki thlu ha oo da pynthut bha ki yei lai i wan ki paidbah wei da beiñ ki leh ya ka chnat PWD ka sorkar yeini waroh.
Ha kani ka sngi da chimbynta leh da kiwa chong chnong ka Shella wei kam ka dak yong ini i yakhih da ah leh ya u Ribbon ha iwi na i bynta uni u sarok wa da chong um bha.
