Ka Party Congress East Jaiñtia Hills Unit da yoh ko wow wai ya ka yung krehkaam ka Party ha ka 27-11-21 ha ka chnong Lad Rymbai Dongwah.
Da pynlai ya ka yalang da u Working President ka Khliehriat Block Congress Committee, u Thynda Sana. Da yoh leh yei klam pdiang na ka Jhanika Siangshai, President, East Jaiñtia Hills District Mahila Congress Committee.
U kongsan ha kani ka sngi u Deibormi Syad, President ka Khliehriat Block Congress Committee hawa e yei klam da yaroh u hadooh kattæ kattæ ya waroh kiwa kitkaam yong ka Party wa lyngba i ya ksohkti lang waroh ki dkhot yong ka Party da ye wow wai ya ka ka yung krehkaam yong ka Party. Da ong wa ini da man ko i kyrkhu wa khroo ya ka Party hawa yoh wow wai ya kani yung krehkaam neibhah deiwa em ini, ka Party ka ye ko wow chakri rap bha wei wow pynyajan chooh chooh cha ki paidbah. Da kyntu ya waroh ki dkhot wa ki paidbah wow wan cha ka yung krehkaam lada emkaam iwon iwon.
Da emlang ha kani ka sngi wa u Chielang Lyngdoh (President ka Sohkymphor Congress Unit), u Khmihbha Phawa (President Wapungskur Congress Unit), u Gerald Phawa wa u Bhalang Bang (Vice President ka KBCC), u Wanbud Dkhar (Working President Pamrakmai Congress Unit) wa kiwi kiwi ki dkhot wa kiwa chah khut sñiawbha.
Ka kyrwoh wa pynlait da u General Secretary ka Khliehriat Block Congress Committee, u Rimis Dkhar.
