Wai ka NEIGRIHMS ya ka kor sumaar Kidney Stone kawa thymme kawa le wa em hapoh ka ri

Kam chibynta wow pynbiang ya ki laad sumaar wa bha dooh cha kiwa kjut wa chitom kiwa em ha ka thaaiñ chaneiñ mihsngi ka ri, neiliang ka NEIGRIHMS ynne ka sngi da wai ko ya ka tiar sumaar – Extracorporeal Shock Wave Lithotripsy (ESWL).

Ka NEIGRIHMS toh kawa da pynkrehkaam ya kani ka jait sumaar ESWL ka wym emkaam u pooid yow tympiah tympra ya ki Kidney Stone nadooh u snem 2013, wei deiwa wai da kani ka kor thymme wa tip kam ka Dornier Delta III Pro Version yow leh ya ka ESWL daw pynman pynbha chooh ko yei sumaar ya kiwa em Kidney Stone. 

Related posts

Chah tooh u mot sahnaam u Mahatma Gandhi ha Australia

February 3, 2026

Daw siang psiang biang ya u sarok na Mukhla-Jowai-Mihmyntdu

February 3, 2026

Ya kani ka kor da wai da u Director ka NEIGRIHMS, u Prof. Nalin Mehta kawa em ha ka Department of Urology wei hawa e yei klam da ong u wa kani ka kor toh kawa le wa em kam kani ha India.

Da e khublei u leh ya ka Department of Urology yei kreh chitom ki wow wanrah yei sumaar sukhær ya kiwa em yeini i chitom neibhah kattu da yoh ya ka kor wa man kawa thymme bha katkam ka juk wa katni heiwa daw ye leh wow pynemkaam ka wow e sikai ya kiwi ki Doctor wa em ha ka thaaiñ yow ye ki wow sumaar ya kiwa em ya u Kidney Stone cha kiwi ki jylla ka thaaiñ mihsngi ka ri.