Kam chibynta wow pynbiang chooh chooh ya ki laad ki luti yow pynsuk ya kiwa kjut wa chitom yong ka thaaiñ, ka NEIGRIHMS da wai ko ya ka Pharmacy yong ka hi ha ka 15 tarik uni u bnai, kawa em ha ka mala wa chapoh yong ka OPD Block wow yarap ya kiwa wan phah sumaar yow yoh dawai waphær waphær hei dor wa pynduna.
Hawa klam ha kani ka sngi, u Director ka NEIGRIHMS, u Prof. (Dr.) Nalin Mehta da ong u wa kani ka Pharmacy da ye wow wai deiwa chimkhia yong ki yow e chakri wa paka hei chait i khiah yow pynsuk leh ya kiwa kjut wa chitom heiwa daw yoh yei dawai wa bha hei dor wa biang.
Najrong ki dawai wa man-ka-sngi, i pyrchang dang lai i chakhmat wow pyntikna wa em ki tiar ki tar waphær waphær kiwa miat wa bha ha NEIGRIHMS. Wei kani ka Pharmacy daw yarap ko leh wow pynkrehkaam yei sumaar wa khlem poisa hapoh ka Scheme PM-JAY & Megha Health Insurance Scheme wa kiwi kiwi ki Scheme kiwa krehkaam ha NEIGRIHMS.
Ha kani ka sngi wai ya kani ka Pharmacy da emlang leh u Medical Superintendent ka NEIGRIHMS, u Prof. Suvamoy Chakraborty, uwa pait ya ka Pharmacy Store, ki Doctor wa kiwi kiwi kiwa kreh.
U Prof. Nalin Mehta da e khublei u leh ya ka yung krehkaam yong u Medical Superintendent wa kiwa kreh kani ka Pharmacy neibynta i thmu wow pynsuk wow pynyoh yei sumaar wa rap bha ha NEIGRIHMS, deiwa wai ya kani ka Hospital Pharmacy.
Kam wow pynykynmoo wa ka NEIGRIHMS em ko leh ya ka AMRIT Pharmacy wa ka Jan Aushadhi Pharmacy ha ka OPD Block kiwa da chakri ya kiwa kjut da boon boon snem.
Discussion about this post