Wai ka NEIGRIHMS yaka Cath Lab kawa em ki kor sumaar klongsnaam katkam ka juk wa katni

Ka NEIGRIHMS da yoh ko u wai ya ki kor wa thymme kiwa man katam ka juk wa katni neibynta u sumaar klongsnaam hapoh ka Department of Cardiology wei kini da booh hapoh ka Cardiac Catheterization Laboratory (Cath Lab) kawa dang dep wei deiwa em kini ki kor daw ye bha u tip tikna yei chitom u klongsnaam.

Kani ka Cath Lab toh kawa em leh yaka Intra-Cardiac Echocardiography wa 3D Electrophysiological Mapping yow ye u pait bniah yei long i man u klongsnaam deiwa pynemkaam leh yaka kor Optical Coherence Tomography (OCT) kawa man ka stat thymme wow chondur ya u klongsnaam neitæ ka Fractional Flow Reserve (FFR) kawa ye wow kheiñ thij yei Blood Pressure wa i lai i snaam ha ki thied wei da em leh ka Intra-Vascular Ultrasonography (IVUS) yow tip kammon ki jait sumaar wow pynemkaam neitæ da em leh ka Rotablation kawa man kam ka kor yow pynlait ya ki thied wa sahkut i snaam yow biang i lai i snaam cha u klongsnaam wa na u klongsnaam.

Ini waroh toh kiwa daw yarap bha ya ki Doctor wow e yei sumaar wa biang ha waroh ki liang.

Ya kani ka Cath Lab da wai deiwa yoh yarap naka Ministry of Health and Family Welfare ka sorkar India hapoh i yahkhmat u Director ka NEIGRIHMS, u Prof. (Dr.) Nalin Mehta.

Related posts

Yoh myntoi ki 58 ngut dei e yarap mynkna ka chnat puræ Physiotherapy ka NEAU

September 14, 2024

Pynbna kyndon ka sorkar ya kitu kiwa wan na ki ri wa em wa yoh Monkeypox

August 28, 2024

U Prof. Nalin Mehta hawa e yei klam da kyntait u wow chim yei burom wa oo wa leh yeini waroh deiwa ong wa toh deiwa ya krehlang ka Department of Cardiology, Stores & Procurement, Biomedical Engineering Section wa kiwa kreh.

Da ong u leh wa ka NEIGRIHMS lyngba ka Department of Cardiology da ye ko kattu u yarap ym du ya ki bru ka North East tangwa wot ya kiwa na ki ri wa em chajan. Kamtæ da kyntu ya kiwa kreh wow man kiwa kreh chitom kiwa em akor em burom wei wow man leh kiwa pliah wow pynemkaam ya kini i kor.

Da ya emlang ha kani ka sngi wa u Dean, Dr. Suvamoy Chakraborty wa u Medical Superintendent, u Dr. C. Daniala kiwa da yaroh yaka chnat deiwa ong toh kawa bha tam ha NEIGRIHMS kawa da ye u e sumaar ym du ya kiwa kjut klongsnaam kiwa na Meghalaya tangwa waroh kawi ka thaaiñ North East. 

Kani ka thaw sumaar wa thymme u sdang krehkaam noh ko hadien chi tayaaw mar ya yoh bor naka Atomic Energy Regulatory Board (AERB), Mumbai.