Ynne ka sngi da man ko ka sngi wow sah khana parom heiwa ka Ramakrishna Mission (RKM) Sohra da wan wai ko ya ka thaw sumaar wa tip kam ka Charitable Dispensary ha ka chnong Nangbah, West Jaiñtia Hills.
Ha kani ka sngi neiliang ka RKM da wan u Bramhachari Ishtachaitanya hapoh i yahkhmat u Manbha Lyngdoh uwa man uwa pait ya ki kaam ka Mission ha Ri-loom Jaiñtia, u Dr. P. Dewan uwa man u Eye Specialist, u Dr. Faster Lyngdoh, u Bishwajit Chakrabarty Supervisor, u Lakhon Biam MDC ka thaaiñ, u Rollingson Dkhar uwa man u Waheh chnong ka Jalaphet Bri Sutnga, wa u Tonroi Iongwai uwa man u Waheh Chnong ka Nangbah.
Neiliang kiwa chong chnong ka Nangbah da dap ki dei sñiawngooh ya ka Rama Krishna Mission Sohra hapoh i yahkhmat u Secretary yong ka, u Swami Anuragananda Maharaj wa da ye ki u e ya i chakri ha i chait i khiah neibynta kiwa dooh wa duk ka chnong wei kamjooh ya ki bru kiwa em hapoh ka ri Jaiñtia.
Ka chnong e ngooh ko leh ya u Blai wow dang kyrkhu u ya kiwa kreh ka Mission wow nang ye chooh chooh ko u e i chakri ya ki para bru khamtam ya ki bru wa dooh wa duk.
Kani toh katkam ka Wyrta na u Waheh Chnong ka chnong Nangbah.
