Shillong: Ka Montri ka tnat i chait i khiah ka Roshan Warjri ynne da wai ko ka ya ka rukom krehkaam waphær ha Bhoirymbong CHC, Ri Bhoi District hei emlang u MLA ka thaiñ u Ngaitlang Dhar, u MDC u Albinus Lyngdoh, u Deputy Commissioner, Ri Bhoi District, u C. P. Gotmare, ka Chairperson ka State Commission for Women, ka Theilin Phanbuh, ka Chairperson ka State Commission for Protection of Child Rights, ka Meena Kharkongor, wa kiwi kiwi.
Kani ka rukom krehkaam thymme kani ka CHC toh da booh ya ka Fitness Gym, Children’s Park, Herbal Garden, Renovated IPD, Baby Corner, Laboratory and Casualty Room, yeiwa da sdang deiwa pynmih poisa na ka MHIS.
Ka Roshan hei klam da ong ko wa ini i rukom krehkaam wa thymme toh u soh wa thiang wa mih lyngba i krehchitom ki doctor, ki nurse wa kiwi kiwi kiwa kreh kani ka CHC. Da e yaroh ko leh ya ki yeiwa da leh ki wow kyntu wei wow pynsñiawthooh ya ki paidbah yei emkaam i chait i khiah.
Da pyntip ko wa ka bynta wa le namo ka Phase III namo ka Meghalaya Health Insurance Scheme daw sdang noh ya ka heiwa ki paidbah ye ki u pynpsiah pyrtuid yow yoh myntoi ki na ka.
U Ngaitlang Dhar, hei klam da ong u wa ka Bhoirymbong wa ki chnong wa yajan da kyrkhu ya ki deiwa em ki doctor wa kiwa kreh hok wa kreh chitom wei yooluti u wa ini i rukom kreh wa thymme u yarap hok ko ya ki paidbah.
Chwa wow sdang ka yalang da saam ya ki khusnaam cha ki chnong wa khooid tam hapoh ka Bhoirymbong CHC wei da jied ya ki deiwa sylli yei rukom biang i rukom e dawai ha kini ki chnong, i wan khakhon ha ki thaw sumaar, wa kiwi kiwi.
Ya i naam wa nyngkong da yoh da ka Khweng wa ka chnong Liarsluid, i naam wa ar cha ka Umroi Madan katwa yei naam wa le won cha ka Mawtneng katwa ka chnong Umdohbyrthih, Umsawriang wa ka Nongrah-B da yoh ki ya ka consolation prize.
Kiwi kiwa da klam ha kani ka sngi toh u MDC ka thaiñ u Albinus Lyngdoh wa u DC, Ri Bhoi, u C. P. Gotmare.
Discussion about this post