Jowai: Ka Nongtalang College da yoh ko wow wai pyrda yaka College Week yong ka ynne ka sngi heiwa u George B. Lyngdoh u MLA ka Umroi da man u kam u kongsan hei emlang kiwa pynlai ka College, kiwa sikai wa kiwa puræ kani ka College.
Hawa e yei klam kam u kongsan, u George da ong pynsñiaw u yei kmen wow yoo wa i em kani ka College da man ko ka kyrkhu ya kani ka thaaiñ neibynta ka mynried ka mankawi ki khynroo khyllood waka thaaiñ hi waroh kawi.
Da ong u leh wa i stat i tip man ko ka tiar yaleh kawa emkaam hadooh kattæ kattæ neibynta ka roi ka paar ha ka jylla neibhah lyngba i stat, uwi pa uwi u bru daw yoh yutip u ya ki hok kam kiwa chong chnong wei daw tip ki wow yaleh yei hok wa toh u yoh.
Kamtæ u George da kyntu u leh ya kiwa lai puræ puthi wow em ki ka thong hawa im ki wow yaleh chitom wow poi cha ka thong wa da booh ki. Chooh chooh da pynchlur u wow man kiwa khlan, wa chemphang, kiwa chlur, kiwa em ka raikut kawa skem wei khamtam wow em i mynsien wow chakri yaka imlang sahlang wa yaka ri waroh kawi.
Kiwi de kiwa klam ha kani ka sngi kynthup yaka Solony Bareh, u Spainlinmi Lapasam wa u Kmen Myrchiang.
Yaka yalang da pynlai da u Rijiedmi Lamin wei da pynphooh pynphieñ ya kani ka sngi da ki rwai na kiwa puræ kani ka College.
Discussion about this post