Ka NPYF Umladang Unit da yoh ko wow wai pyrda ya ka 1st 7 Shnong Knockout Football Tournament kawa da pynman ha ka madan chnong yong ka Umladang ynnin ka sngi kawa da wan wow wai da u Deputy Chief Minister ka jylla kam u kongsan deiwa emlang u T. Shiwat uwa man leh u CEM ka JHADC kam u symbood kongsan chirup wa u Deputy CEM, u Lasky Rymbai, u Moonlight Pariat, MDC wa kiwi kiwi ki dkhot ka JHADC chirup kiwa kitkaam ka NPYF 1-Nartiang Constituency wa ki waheh wasian yong ka National People’s Party.
Hawa e yei klam, u Sniawbhalang Dhar da ong u wa chkeh ki khynroo ha Umladang Unit wow pynman ya kam kani ka Tournament kawa pyn-ka-it ya ki khynroo heijooh i por leh wa man ko kam ka Exercise ya kiwa heh wa sian yow yoh ki yei doh i pran wa chait wa khiah.
Chooh chooh da ong u wa ka Theme yong kani ka Tournament man ko sakhiat kam kawi wa ka sorkar da booh ko hakmat dooh kattæ kawa ong “No to Drugs”, kamtæ da kyrpaad u ya kiwa chong chnong ki 7 chnong wow man ki khynroo kiwa em yei kitkhlieh ha ka imlang sahlang wei yow kiar na kini kiyi kiyi kiwa pynjæd yei manbru longbru.
Hawa pynkut, u Sniawbhalang da e u i yaroh ya ka Umladang Unit wei heijooh i por da kyntu u ya kiwi tawon ki Unit wow bood ya ka nongmuna ka Umladang Unit khnang wa ki khynroo yong ka 1-Nartiang Constituency yow man ki ki khynroo wa sñiawsuk ha ki kaam Sports kamjooh leh yow man ki ki khynroo kiwa em sakhiat yei kitkhlieh neibynta ka mynried ka imlang sahlang.
Discussion about this post