Jowai: Ka East Jaintia National Council Central Body (EJNC) seiñbhalang da wai ko ya ka tnat kreh kam ka yong ka ha jowai ynne ka sngi. 17 ngut da jiet ia ki nong kreh kam iong kani ka seiñ ha Jowai. Kam chi bynta ha kani ka yalang da wan sakhi leh bun ki seiñbhalang wei wada kitbok kit rawiang ki ia kani ka seiñ thymme.
Hei iatoh wa kani ka tnat thymme næ ka seiñbhalang, ong u president ka EJNC toh u chim khia ki para dkhot ia i won i won i kam wada dep pynkham kti ha ki. Chooh chooh ban jur u wa lada em i won i won i jingeh toh u tur u tia biet i chaphrang dei wa ym hoi u ran dein, wei wa wym hoi u kreh i nei bynta ka poisa donhi. I toh u ia leh i u pynduh pyndam ia kam ki ni ki jait bru. Kreh yei hok ioh u ku ka jait bru ka iong i.
Waroh ki seiñ wapher wapher kiwa em ha kani ka sngi da ban jur ki wym hoi u kreh kam ki du nei bynta ka poisa, i toh u chimkhia i wow kreh kam hok i hawa da ksoh i ia i kam iow ioh ka jait bru ka iong i u heh u kmai. Da ong haroh ki wa i mih ki seiñ wa thymme ym toh wow pynpiah pynpra ia ki seiñ wada em chwa.
U chief advisor iong ka EJNC da ong u wa nadooh wa mih kani ka seiñ kamwa la ar bnai nachwa, hadooh kini ki sngi, ym pu em u tyngkheiñ næ lai palatpood ki para dkhot ia ki kyndon iong ka seiñ,i krehkaam iong ki da man ki du kiwa lai biet lai ryntih waroh.
Ki nong kit kam iong kani ka tnat toh man ki kamni hawah:
Ka EJNC da jied ko ia u Ram Suchiang kam u President iong ka WJNC wow peit wow yoo u ha waroh ka West Jaintia Hills. Kiwi tawan ki nongkrehkaam toh Vice President Lasinme Syad, General secretary Embhahlang Lyngdoh, Asst. Genl. Secy Sabastian Sapuh, Financial secretary ka Mary Dapoi Pala, Pubilicity Secretary Sanki Teilang nongpluh, Asst. Pubicity secy Balawan Dkhar, Sports secretary Wanki Sapuh, Asst. Sports secy Chaphrang Lyngdoh, Organizing Silvester Sapuh, Organising Secy. Edmund Sumer, Asst. Orgn secy Winning Dhar, Educational Secertary Sanki Sapuh, Asst. Edu secy Sawbadkini, Discipline Secretary Hopingwell Phawa, Arts and Culture Secretary Carmelo S Mukhim wa u Adviser Jamin Lapasam.
Discussion about this post