Shillong: U Montri ka tnat wa pait yei chait i khiah ka jylla, u AL Hek ynnin da wai u ya ka 20th Scientific Conference cum General Body Meeting yong kiwa sumaar bru (Medical Fraternity) ka Meghalaya hapoh ka lama yong ka Meghalaya Medical Services Association (MMSA) hajrong ka phang “Transforming Healthcare – In Continuity with Consistency” ha State Convention Centre, Shillong.
Ha kani ka programme da emlang u Metbah Lyngdoh, uwa man kam u montri wa pait yei kaam uiñke suwarikam u symbood kongsan, u P. W. Ingty, Additional Chief Secretary, in-charge Health and Family Welfare, Dr. T. Wahlang, DHS, MI, Dr. Aman Warr, President, MMSA, Dr. Bareh Pohchen, General Secretary, MMSA wa kiwi kiwi.
U Hek hawa e i klam ha kani ka sngi da ong u wa kani ka program man ko kawa e mynsien bha ya kiwa sumaar bru wei yooluti u wa iwa mih na kani ka program daw yarap ko ym du ya ki doctor tangwa ya ka tnat Department of Health & Family Welfare wow sñiawthooh wei wow pynpliah ya i rukom sumaar bru hapoh ka jylla.
Da ong u wa ka rukom sumaar bru katkam ka juk wa katni man ko kawa yaar bha wei emkaam wow pynthymme wei wow pynpliah ya ka katkam wa yah i por wow pynsuk ya ki paidbah kiwa chah sumaar.
Da kyntu u leh ya kiwa sumaar nadooh ki doctor hadooh kiwi kiwi kiwa kreh hapoh yong ki wow pynemkaam ya ki scheme wa e yarap ka sorkar pyrdi kam ka National Health Mission wa kiwi kiwi yow ye sakhiat u e i chakri wa pura cha ki paidbah khamtam kitu kiwa wan na ki manyung wa dooh wa duk.
Discussion about this post