U Minister ka Health & Family Welfare, Meghalaya, u AL Hek, ynne ka sngi da wai u yaka Rangshken Health Sub-Centre kawa em hapoh ka Mawphlang CHC deiwa emlang u Samlin Malngiang, MLA wa u Dr. A Warr DHS (MI).
Deiwa e ya kani ka Sub-Centre neibynbta ki paidbah, u Hek da ong u wa ka sorkar kreh ko yow pynyoh pynpoi yei sumaar cha waroh ki paidbah, iwa duna dor wa iwa bha wa miat khamtam ya kitu kiwa wan na ki bynta ka imlang sahlang kiwa tlot deiwa wai chooh chooh ki Health Center hapoh ka jylla.
U Hek da pynchlur u leh yaki kynthai wa punkhon wow wan tista ki yow leh yaka Check-up wei wow e dawai tika ya kiwa dang kha. Da ong u leh wa ki wakreh da em ki yow pynsñiawthooh kammon wow pynmyllien yaki wa bha yow pynduna yei yap kiwa dang kha kamjooh kiwa kha khon. Kamtæ da kyrpaad u yaki paidbah wow ya ksohkti lang ki waka chnat hei pynkrehkaam yaki Scheme sorkar yow yei u poi cha ka thong.
Kiwa de kiwa klam toh u S. Malngiang, MLA, u L Blah, MDC, u Dr. A Warr, DHS (MI) wa Dr. M Basaiawmoit, DMHO, East Khasi Hills.
