Wai u Banteidor Lyngdoh ya ka 2nd Sniawbhalang Football Tournament

Jowai: U montri wa pait ya ka kaam yalehke Sports yong ka jylla, u Banteidor Lyngdoh, da wan u wow wai yaka lympung yalehke Football kawa da tip kam ka 2^nd Sniawbhalang Football Tournament 2019, kawa da pynman ha Wahiajer Mini Stadium, Wahiajer, West Jaiñtia Hills District ha kani ka 05-10-2019. Ha kani ka sngi da emlang leh u Sniawbhalang Dhar uwa man u tre ka Tournament, ki MDC ka JHADC, ki waheh chnong waphær waphær wei da wan ya chimbynta ha kani ka lympung haduh 60 tylli ki dhab (Team) kiwa haap hapoh ka Nartiang Constituency.

U Sniawbhalang hawa e u yei klam da ong u wa i pynman ya kani ka lympung man ko kawa emkaam bha hawa yatoh wa ka yalehke Sports neibynta ka mynried yong ki khynroo, da kyntu u ya ki khynroo wa wan chimbynta ha kani ka lympung wym toh u em ka yumut du wow yoh u rah ya kani ka lympung dep te kut wot ka luti yong ki, tangwa toh u em ki ka mynsien wow yalehke neibynta ka mynried yong ki hi, neibhah ka yalehke Football katni da man ko kawi na ki laad kamai wow yoh kaam yoh jam lada pynemkaam hok ya ka sap kawa ki em ki ha ka yalehke Football wei ym du kattæ wei kamjooh leh neibynta wow wanrah ya ka burom wa ka naam ya ka ri wa ka jaitbru.

Da ong u leh wa i thmu wow pynkylla dur ya kani ka madan yalehke hadooh wow yahap kyrdan wa ki madan International, khnang wa ki khynnah wa ki khynroo u yoh ki u yalehke ha kam kini ki jait madan kiwa yahap kyrdan wa ka juk katni.

U kongsan u Bantei hawa klam da pyntip u wa oo leh jooh man u kam uwa yalehke Football ha ki por nachwa wei da yachem u wa kiwa yalehke wa pawnaam kiwa mihkhmat na ri-loom Jaiñtia, tangwa katni won da ong u cheiwon wiar ki kam kini kiwa yalehke ym jooh mih chooh ki napoh kani ka District, kamtæ da kyntu u ya ki khynroo wa em ya i sap i phong ha ka yalehke Football wow kreh chitom khnang wa sa chisien u mih biang kiwa yalehke Football wa pawnam na kani ka District.

Related posts

Sdang ka Subroto Cup 2025 ka West Jaiñtia Hills

June 2, 2025

Ha Jowai wa Wahiajer u pynman ya ka Subroto Mukherjee Cup 2025 ka West Jaiñtia Hills

June 1, 2025

Neiliang u Bantei da kular u leh wa hadien ka Election yong ka Shella daw pynyoh ya ka Scheme neibynta wow chna wei wow pynbha chooh chooh ya kani ka madan yalehke yong ka chnong Wahiajer, da ong u wa kam kani ka madan kawa biangbha ka thaw da em hok ko ko wow yoh i pynbha nadooh ki thaw chong kiwa wan paitke hadooh ka madan yalehke kawa paka.

Ha kani ka sngi yaka yalang da pynlai da u D. War wei da yoh leh ya i klam na u waheh chnong ka Wahiajer u K. Shylla, u Ailad Bhoi MDC wei da pynchong chit ya kani ka sngi wai ya kani ka lympung da ki chaad tynre wa ka chaad pliang kiwa da ya chimbynta da ki khon ka Constituency.

Ka yakhun ha kani ka lympung man ko da ka League bad wei kiwa yoh rah ya ka naam Champion daw rah ki yaka song poisa T. 3 lak, kiwa wan wa ar T. 1 lak, kiwa poi ha wa le T. 60000 wei kiwa poi wa soo won T. 40000. Kiwa yoh wow ya chimbynta ha kani ka lympung toh du kiwa haap hapoh ka Nartiang Constituency.

Haka sngi sdang yong kani ka lympung ka yakhun da man hapyrdi ka Ummulong SC pyrchah ya ka Larnai SC, heiwa ka Ummulong SC da jop ko yaka Lyrnai SC da 3-1.

Ynne ka sngi won da jop ka Wahiajer, Tamu waka Umladang ha ki 3 tylli ki yalehke wa da pynman heiwa ka Tamu da jop ko yaka Khliehriat da 2-0, ka Wahiajer da jop ko yaka Lumkya da 3-0, ka Umladang da jop ko yaka Kdohkule da 4 -1.