Ka yungkrehkaam ka Ladthadlaboh Youth & Social Organisation (LYSO) waka Ladthadlaboh Village Defence Party (VDP) da wai paidbah yaka haka 13 tarik uni u bnai da u Brightstar Chyrmang, MDC ka Jowai North.
U Brightstar Chyrmang hawa e yei klam da yaroh u yaka Ladthadlaboh Dorbar Chnong wa da chim ko ya kani ka luti wow pynyoh yungkrehkaam neibynta ki khynroo ka chnong wei da ong u leh wa man ka sien wa nyngkong hapoh ka ri-loom Jaiñtia wa ki seiñ khynroo yong ka chnong u yoh ki yaka yong ki hi ka yungkrehkaam. Da kyntu u ya ki wow kreh hok ki neibynta ka imlang sahlang wei wow man kiwa ya tylli kiwa sñiwthooh iwi i yumut.
Da yoh leh yei klam na u Augustine Langstang, Adviser ka LYSO, na u LD Lakiang, Waheh Chnong, Ladthadlaboh Dorbar Chnong, ki kyntien pdiang sñiawbha na u Mehi Lato, Secretary LYSO katwa yaki ktien e khublei na u Dio Samuel Lyngdoh, Secretary VDP.
Yaka yalang da pynlai da u Chairman u Donaldky Shylla, Chairman, Ladthadlaboh Youth & Social Organisation (LYSO).
Ya kani ka yungkrehkaam da e sñiawbha da ki waheh, ki manbei kamjooh ki khynroo ka chnong.
