Wai u CEM ka JHADC ya ka yung skur wa T. 50 lak ha Khliehtyrchi

Jowai: U Madonbai Rymbai, Chief Executive Member yong ka JHADC ynnin ka sngi da wai u ya ka yung skur Secondary School yong ka chnong Khliehtyrchi kawa T. 50 lak kawa da yoh lyngba ka Scheme kawa tip kam ka Special Assistant Grant (SAG).

Ha katai ka sngi da emlang u Lamdibok Sumer Deputy CEM, ka JHADC, ki Executive Member ka JHADC wa kynthup ya u Phasmoon Dkhar, u Richard Singh Lyngdoh, u Riio Sten nalor kiwi kiwi.

Ka sorkar pyrdi da mang poisa ko hadooh T. 33.57 klur neibynta ki kaam pynroi hapoh u pood u ang yong ka JHADC wei hadien wa da saam ha waroh ki Constituency, ka chnong Khliehtyrshi da yoh ko wow pynkrehkaam wow chna ya kani ka yungskur kawa da kynjoh haooh T. 50 lak.

U Kitbok Rymbai, waheh chnong ka Khliehtyrchi hei klam yong oo da ong u wa man ko i kyrkhu ya ka chnong ka thaw khamtam ha ka juk wa katni wa waroh ya beh ki yaka stat ka tip.

Related posts

U pyndam ka Mizoram ya kiwa kreh sorkar ki wym ye wow leh yei kaam yong ki

November 28, 2024

Sdang ka sorkar da ka Community Public Private Partnership deiwa e yarap Rs. 106 klur

November 28, 2024

U Madonbai Rymbai hei klam yong oo da yaroh u ya kiwa pynlai chnong kiwa da pynkrehkaam hok ya kani ka Scheme kawa pynyoh myntoi yaka chnong khamtam yaki khon ka chnong lyngba i em yong ki skur ye ki wow pyndep ya ka puræ puthi khlem wow mih na ka chnong.

U CEM da kyntu u leh ya kiwa chong chnong wow man kiwa ya tylli neibynta ka roi ka paar ha ka imlamg sahlang.