Tura: U montri rangbah ka jylla, u Conrad K. Sangma ynne da wai u ya ka Tura Christian College hei emlang u Chief Advisor yong oo u Thomas A. Sangma, ki MLA kam u Saleng A. Sangma, Brening Sangma wa kiwi kiwi.
Kani ka thaw puræ toh kawa sdang wei pynlai da ka Garo Baptist Convention.
U Conrad hawa e i klam da ong u wa ka thong wa ha khmat dooh yong ka sorkar jylla toh wow pynmiat pynbha ya i puræ puthi, hanlada em chiboon i eh i khoo tangwa ka sorkar da man ko kawa skem i thij i pyrkhat hajrong ini.
Da e khublei u ya ka Tura Christian College kawa da sdang ya ka Higher Educational hapoh Tura, deiwa kynmoo tamdien leh ya u pa u yong oo, u (T) P.A. Sangma, uwa da yahluti ya ki wow kyntu kynrong yei stat i tip hapoh ka thaaiñ.
Da ong u leh wa ha waroh ki yalang ki montri sorkar namo ki Cabinet Meeting 50 percent na ki phang toh hajrong ka tnat puræ puthi, wei ka sorkar yaleh ko wow pynbiang yei duna ha kani ka tnat.
Chooh chooh da ong u wa ymtoh wa emkaam du ya ka puræ puthi kawa biang hapoh Meghalaya tangwa emkaam leh ya kawa paka wow yoh myntoi sakhiat ki khynnah.
Da ong u leh wa iwa emkaam dooh kam ki sahep, kiwa mihkhmat wa kiwa sikai ymtoh du wow pynlait smat ya ki kot ki sla (file), wow pdiang ya ki scheme namo wow pynpaas bha ya ki khynnah tangwa iwa emkaam dooh toh wow pynkylla yei rukom im ki khynnah wow yoh ki ka mynried wa tyrchaaiñ.
Discussion about this post