Shillong: U montri rangbah ka jylla, u Conrad Sangma ynne da sakhi u yei sdang yong ka ‘Shaping Young Minds’ wa pynman da ka Guwahati Management Association ha NEHU Campus Shillong.
Hawa e yei klam da ong u wa ki khynroo khyllood ka ri man ki ka bynta wa khroo wow wanrah yei kylla khamtam heiwow pynkrehkaam ya ki program wa kiwi kiwi..
Da ong u leh wa ha kani ka juk katni emkaam i krehlang wei i yatylli khlem kheiñ yei heh kyrdan neibhah lada sñiaw heh daw ktah ko hadien habood.
Da ong u wa jooh kyntu u ya ki para montri wa ki sahep wymtoh u chong swe ki ha ki yung krehkaam yong ki, emkaam wow lai cha madan wow tip yeiwa jia yow stat u pynkrehkaam ya ki program.
Da pyntip u leh wa da sdang ya ka ‘Block to Block’ programme heiwa da booh thong u wow cha waroh 46 tylli ki Block hapoh jylla.
Ha kani ka sngi da pynlait leh ya ka thup wa dap 50 snem ka Guwahati Management Association.
Discussion about this post