Wai u Conrad ya ka skur wa e hei pyrtuid uwa nyngkong dooh wa kylla Christan ha ri-loom Garo

U montri rangbah ka jylla, u Conrad Sangma ynne ka sngi ha Rajasimla, North Garo Hills chirup wa u MLA Kharkutta, u Rupert Momin da wai ki ya ka yung skur ka Omed Memorial Secondary School kawa dang dep chna thymme.

Kani ka skur toh kawa da pynsahnaam ya u Omed W Momin, uwa man u nong Garo wa nyngkong dooh wow kylla niam Christan, ka Omed Memorial Secondary School da sdang ya ka ha ka 17 Thohlakhmi, 1969 da ki paidbah ka chnong Rajasimla, hajan ka wah Rongdal-Rongkil . 

Ya ka skur da wai ha u 1971 heiwa da yoh yarap ko hapoh ka Adhoc Grant ha u 1974 wei hapoh ka Deficit System ha u 1983, kam ka Higher Secondary daw pynku kyrdan ha u snem wow wan. 

U Conrad hawa e yei klam da e khublei u ya ka Asian Development Bank wa ka Education Department wa sdang ya ka “Supporting Human Capital Development Project” ha Meghalaya iwa da yarap wow pynku ya i puræ puthi. 

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Da kyrmen u wa dei chimkhia ka sorkar jylla daw ye chooh u kreh neibynta i bha ki skur wa ki thaw puræ. 

Da yaroh u leh ya ki bor chnong ka North Garo Hills wa chimkhia ki wow pynku ya i stat i tip hapoh ka thaaiñ. 

U Conrad da kynmoo u leh ya u (L) P. A. Sangma, heiwa chi bhah na ka yung kani ka skur da chna lyngba ka MP Scheme wei da sñiawkmen u leh wa da ye u wow wan wai biang sa ya ka yung skur wa thymme ha kani ka thaw.