Shillong: U montri rangbah ka jylla, u Conrad K. Sangma ynne da ong u wa ka sorkar thooh ko ki laad ki luti wow pynmiat yei rukom pynpoi ya ki kaam pynroi cha ki paidbah deiwa pynemkaam ya i stat ka juk wa katni.
“Kam kiwa mihkhmat wa kiwa kreh sorkar, ka wi donhi ka kaamram yong i wei itæ toh wow chakri ya ki paidbah. Emkaam wow pyntikna i wa ki kaam pynroi toh u poi smat ki cha ki paidbah wei u man i kreh leh iwa khooid,” da ong u Conrad hawa wai ya ka Workshop on Enterprise Architecture for North Eastern States, wa pynman da ka North Eastern Council (NEC) hei yakrehlang wa ka National Informatics Centre (NIC)
Chooh chooh da ong u wa emkaam wow chim kabu ya ka stat wa katni namo ka technology, heiwa da pynksan u leh yei emkaam ka e-governance wa ki satellite khamtam heipor wa pynjæd tympra i bor ka rymaw.
Da ong u leh wa lyngba ka video conference ka sorkar da pynman ko ya ki review meetings wa ki DC yong waroh ki District man la ka sngi wa-ar wa nyngkong yong u bnai wow booddien yei rukom pynkrehkaam ya ki scheme sorkar.
Ka thong yong kani ka workshop toh wow pynkreh ya ka Digital Enterprise hapoh ka ri.
Kiwi kiwa da klam ha kani kani ka sngi toh u montri ka IT u Hamlet Dohling, DDG NIC & SIO NIC Meghalaya T Dkhar, DDG & HoG EARD, NIC New Delhi, D C Mishra, President & CEO NeGD MeitY, New Delhi M S Rao, Director General NIC New Delhi Neeta Verma wa u Planning Advisor NEC C.H. Kharshiing.
Discussion about this post