Shillong: U montri rangbah ka jylla u, Conrad K Sangma, ynne ka sngi da wai u yaka Shillong Mawlai Bypass kamjooh yaka Mawkynroh Police Outpost.
U Conrad hei klam yong oo da pynsñiaw u yei sñiawngooh ya kiwa da e mynkna yei thaw neibynta kini ki ar tylli ki kaam wa emkaam. “Ki Project kiwa kam kini em ki kiwa boon ki jait ki bru, ki chnat sorkar wa ki seiñ saiñ hima kiwa em ki jar jiar ki bynta wei manda krehlang donhi u ye u poi cha ka thong,” da ong u deiwa pynrap wa deiwa wai ya kani ka Bypass daw pynduna ko ye khynnia kari hapoh sor Shillong.
“Ki bru yong i suk bha ki wow noh jhep cha rood sarok wei da yooluti O wa ini ym jia i ha uni u Shillong-Mawlai Bypass,” da ong u Conrad. Da kyrpaad u leh ya ka imlang sahlang wym toh u yoh u pynman thaw noh jhep ya kani ka sarok, wow man ko ka thaw pynyeiñ kari miet wow kylla ko cha ka thaw wow leh yaki kaam pyrchah ya ka aiñ. “Ha waroh iwa leh ka sorkar wow chna ya iwon iwon i pyrchang toh yow pynman leh yaka Shillong kawa khooid, waroh ym man ki kiwa jop lada ym chimbynta lang ka imlang sahlang,” da ong u.
Da ong u leh daw boon kiwa wan uiñke suwari wow lai luti na kani ka Bypass, kamtæ da kyntu u ya ki paidbah wow yarap ya kiwa wan uiñke suwari wei ka Mawkynroh Police Outpost daw man ko leh ka wow yarap chiboon ya ki paidbah kani ka thaaiñ wow pyntikna wa lai bait ki kari yow lait na i sahkut ki kari.
U montri rangbah leh da kaweh lama u ya ki 14 tylli ki pulit wa pynemkaam da ki thuk wow man kam ki wow wan nyngkong ha iwon iwon i jia sahkut kari namo ki First Responder Traffic Police Bikes.
Kiwi de kiwa emlang ha kani ka sngi toh u Deputy Chief Minister, Prestone Tynsong, Minister, Transport etc Sniawbhalang Dhar, Minister, Education etc Lahkmen Rymbui, MLA, Mawlai, P T Sawkmie wa ki sahep ka PWD (R&B).
Discussion about this post