U Montri Rangbah ka Meghalaya, u Conrad K. Sangma ynne da wai u yaka Sohra Government College, East Khasi Hills wa kynthup yaka Academic Block deilang wa ki Hostel neibynta ki chynrang wa ki kynthai kawa da chimkti noh da ka sorkar kattu wow su tulop wa kiwi de kiwa emkaam.
U Conrad hawa e yei klam da pyntip u waroh ki Government Secondary School wa em hapoh ka jylla da e poisa wow pynchna ki næ wow chna syndon da ki yung wa thymme. Da khana u leh awjan 2500 tylli ki LP School toh kiwa da dep pynchna hei lut wa Rs. 500 klur.
Da pynkynmmoo u leh wa ka sorkar da wanrah ko da ki kot NCERT neibynta ka Meghalaya Board of School Education (MBoSE) yow pyntikna wa ki khynnah khamtam haka Mathematics wa Science u ya ryngkat ki wa kiwi ki khynnah hapoh pyrthai.
Yeini da leh neidaw wa ka jylla em ko cha tre dooh haka Performance Grading Index (PGI) wei da yooluti u wa deiwa wanrah da kini ki kot ka NCERT daw ku da 15-20% hapoh ka PGI.
Heiyatoh wa ki Multi-Disciplinary Subjects hapoh ka NEP 2020, da khana u wa waroh ki College sorkar hapoh ka jylla daw emlang ki yaka Commerce wa Science Stream. Wei yow leh yeini daw hap pynklut Rs. 20 klur yow ye u pyndap ya waroh iwa emkaam.
Kamwa man kattæ ka sorkar da booh ko ka mang poisa kawa Rs. 2000 klur du neibynta ka puræ puthi kawa man leh kawa boon dooh na waroh ki chnat sorkar.
Ka Sohra Government College, toh kawa jooh tip kam ka Sohra College wei da chimkti (Provincialized) da ka sorkar ha u snem 2009. I pynku krydan yaka Sohra Government College cha ka Provincialized College toh deiwa pynlut Rs. 12 klur kawa da pynlait haka 09-10-20.
Hapoh ka Academic Building da em ki Classroom, Library, Laboratory wa ki paikhana, katwa haka Boys’ Hostel wa Girls’ Hostel da pynbiang lut ya ki thaw thiah wa kiwi tiar ki tar wa emkaam.
Deiwa pynman kam ka Provincialized College daw em leh ka Science wa Commerce Stream yow lait kiwa lai puræ u lai thooh thaw puræ cha jngai.
Discussion about this post