U Montri Rangbah ka jylla, ynne da wai u ya ka Academic Block, Girls’ Hostel wa Boys’ Hostel ka Williamnagar Government College, neitæ ka Mini Outdoor Stadium waka Entrepreneurship Cell hapoh ka Entrepreneurship Promotion Development Program ha Williamnagar, East Garo Hills.
Kani ka College toh kawa da chimkti da ka sorkar ha u snem 2008 wei katni da yoh wow chna thymme ka.
U Conrad da ong u wa ka sorkar da pynlut ko palat Rs. 500 klur nadooh u snem 2018 yow chna pynmiat ya ki thaw puræ ha kylleiñ ka jylla wei i yoh wow wai ya kani ka yung thymme toh kawa da pynhun ya oo.
Da ong u leh wa waroh kiwa da wai ynne man ki neibynta ki khynroo ka jylla.
Da pynbna u leh wa daw chna yaka madan Track and Field hapoh kani ka Willamnagar Mini Stadium, wei daw chna pynmiat leh yaka chnong Williamnagar wei da dep leh wow pynlait poisa neibynta ka Critical Care Unit deilang waka 50 Bedded Mother & Child Care Hospital kawa dapoi Rs. 20 klur.
Discussion about this post