Shillong: U Chief Minister ka jylla u Dr. Mukul M. Sangma ynne da wai u ya ka Mawlai C&RD Block ha Mawlai hei emlang u MLA ka Mawlai,u Embhalang Syiemlieh wa u MDC, Mawlai, P.T. Sawkmie.
Hei klam u Dr. Mukul da pynsñiaw u yei mynsien wa kmen heipor wa wai u ya kani ka C & RD Block wei da ong u wa ini pynyoo i yei krehkaam ka sorkar wow wanrah yeiwa thrang i angnood ki paidbah.
U Dr. Mukul da ong u wa emkaam wow pait ya ki Block wa da em chwa wei lada emkaam ye wow phiah ya ki yow kyrriah wei wow pyndam yei lai chilliang ki scheme wei wow pyntikna wa waroh u yoh myntoi ki.
Da ong u leh wa ka jylla hi da ku ko ha kiwa boon ki liang ha kini ki snem wa dadep neibhah wa da ye ko u wanrah yei wa thrang wei angnood ki paidbah. Da kyntu u leh ya ki paidbah wow yait na ki kaam wa sih iwa ye u wanrah yei mynsien wa tieñ ha ki paidbah.
Ha kani ka sngi u Dr. Mukul da e u leh ya ka Work Order wa nyngkong dooh kawa T. 25 lak ha u Rangbah Shnong Mawtawar wei da wai u leh ya u Mooyurim yong kani ka yunkrehkaam ka Mawlai C&RD Block Office.
Ya ka Mawlai C&RD Block da phiah na ka Mylliem Block wei kani ka Block u chakri ko ya 24 tylli ki chnong wei ka Headquarter yong ka u em ko ha Mawtawar.
Ha kani ka sngi da em leh ka Minister I/c Health & Family Welfare etc. ka Roshan Warjri, Minister I/c Urban Affairs etc. U RV Lyngdoh, u MLA ka Pynthorumkharah, u AL Hek wa u MLA ka Nongthymmai u Dr. Jemino Mawthoh, Director, C & RD, I R Sangma, u Deputy Commisioner, East Khasi Hills, P S Dkhar, wa kiwi kiwi.
Discussion about this post