Wai u Dr. Mukul ya ki kamra ka Educere School kiwa da chna da ka sorkar jylla

Williamnagar: U Montri Rangbah ka jylla u Dr.Mukul Sangma da lai pait u ya ka Educere Higher Secondary School heiwa da yachem u wa ka Principal yong ka Gamchi Tamrey R. Marak, kiwa sikai, ki khynnah skur wa ki manbei manpa ha ka janmiet yong ka 1 Naiynñiaw ha Williamnagar heiwa da wai u leh ya ka kamra thymme wa da chna hapoh ka Chief Minister’s Special Urban Development Fund.

Ya u Dr. Mukul da synraan da ka montri i puræ puthi ka Deborah Marak, ki Parliamentary Secretary wa kynthup ya u Brigady Marak, Cherak W. Momin, Sengnam Marak wa u Marthone J. Sangma wa kiwi kiwi.

Ya ka Educere School da seiñ ha u 1994 heiwa da em 100 ngut ki khynnah hajrong ka thong wow kyntu kynrong yei puræ puthi khamtam wow pynkhreh ya ki khynnah liang wanang. Kani ka skur da pynmih ko chiboon ki khynnah wa stat kiwa da yoh ya ki Gold Medal ha ki puræ wa ha rukom wei da pynku kyrdan ya ka cha ka Higher Secondary School.

Hei klam u Dr. Mukul da e yaroh u ya kawa seiñ ya kani ka skur kamjooh ya ki dkhot yong ka Managing Committee kiwa da kreh na mynsien wow kynrong yei stat i tip ha kani ka thaiñ. Da ong u leh wa ka sorkar jylla yaleh ko wow pynmiat ya u sarok Mairang-Rongjeng-Williamnagar kamjooh ya ka khloo Durama Range kawa ye wow riñ ya kiwa uiñke sawari.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da ebuit u leh ya ka skur wow thung kreh pyn da ki khynnah warim yong ka neibhah wa hei yoo yong oo hi samen ki khynnah warim em i yajan wei maya ki ya ka skur.