Wai u J.R. Pyrtuh ya ka Community Hall ka Bataw wa T. 30 lak

Bataw: Ha ka 29 tarik u bnai wa da dep u J.R. Pyrtuh, MDC ka Bataw-Lakadong da wai u ya ka Community Hall ka chnong Bataw hei emlang ki paidbah wa chong chnong, u waheh chnong wa u Dolloi ka Elaka Rymbai.

Ha kani ka sngi wow sah kynmoo ya ka chnong wada yoh ko ya kani ka Community Hall da pynman ya ka yalang wada pynlai da u waheh chnong u Onikson Sumer.

Da yoh leh yei klam na u Dolloi ka Elaka Rymbai u E. Swer wa na ki waheh ka chnong wa kynthup ya u uwa e buit ka chnong u Dren Biam, u Chairman ka chnong u Hosting Pajat, u S. Rupsi Secretary chnong warim, u P. Pahoh, u Noren Palong wa kiwi kiwi.

Kiwa klam da yaroh ki ya u J.R. Pyrtuh u wa da yarap wow pynyoh ya kani ka Community Hall na ka JHADC lyngba ka Special Assistance Grant kawa da chna heilut kamwa T. 30 lak.

Related posts

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

Neiliang u MDC da e u yei kyrkhu kyrdoh ya ka chnong kamjooh leh ya kiwa kitkaam chnong wow nang ye chooh chooh ki u pynlai ya ka chnong deiwa bha wa miat.

Kamjooh leh ka chnong da kitbok kitrwiang ko ya u J.R. Pyrtuh wow nang ye chooh chooh u kreh neibynta i bha i miat ha ka imlang sahlang wei kyrkhu kyrdoh ko leh ya oo yow jop biang u sa ha kani ka kynti khnang wow nang ye pteiñ u chakri ya ki paaid ka Constituency.

Ini toh katkam wa phah khubor u waheh shnong, u Onikson Sumer.