Wai u Kon Pasi ya ka Hubert Acupressure Therapy Centre ha Spein Nangbah

Jowai: Ya ka Hubert Acupressure (Therapy) Centre, Spein Nangbah, West Jaiñtia Hills District, kawa pyllai da ki Visitation Sisters of Don Bosco, da wai ya ka ynnin ka 29 tarik da u Waheh Chnong  ka Nangbah u Kon Pasi, hei emlang u Bishop ka Jylla niam Jowai, Most. Rev. Victor Lyngdoh DD, Rev. Phadar Ferdinand Dkhar, Rev Phadar Bimal Raj, Rev. Phadar Lessmond Nongtdu, ki Sister na ka yasyllok Franciscan, wa kiwi kiwi.

Ha chwa wow wai da em ka yalang tbian kawa pyllai da ka Sister Yoris Lyngdoh Marshillong, kawa man leh ka Sister Superior yong ka Nangbah Assumption Convent, kawa da e leh ya ki kyntien pdiang burom wei da e ko leh ya ki kyntien lamphang chaphang i emkaam wow wai ya kani ka Hubert Acupressure ha Spein Nangbah, Elaka Nangbah.

Ka Sister Yoris da ong ko wa ya kani ka thaw u pyllai da ki Visitation Sisters of Don Bosco wei u sumaar ya kiwa kjut da ka Acupressure Therapy.

U Kon Pasi, kam u kongsan ha kani ka sngi, da yaroh u ya ka Balang Katholik wa lyngba kini ki Sister VSDB, da wai ko ya kam kani ka thaw wow myntoi ki paidbah.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ha kani ka sngi da yoh leh ya ki kyntien kyrkhu kyrdoh ya ki Sister wa na u Secretay chnong ka chnong Nangbah u San  H. Lyngdoh wei da kyrkhu ya kani ka thaw da ka Umkhooid Umkyntang. Ya kani ka Centre kawa man leh ka thaw sah ki Sister da kyrkhu u Bishop Victor Lyngdoh.