Shillong: Ynne ka sngi kawa man leh kam ka lyngkhooh dap 74 snem i man laitlooid ka ri namo ka Independence Day, u lat ka jylla u Tathagata Roy deilang waka kurim yong oo ka Anuradha Roy da wai pyrda ki yaki dur wa da dro chaphang ki le jaitbru ka Meghalaya kamjooh wa i dur (Portrait) u Sardar Vallabhbhai Patel ha Durbar Hall ha Raj Bhavan. Ya kini ki dur da dro da u Artist wa pawnaam ka jylla u Raphael Warjri.
U Tathagata Roy da ong u wa kini ki dur toh kiwa pynyoo yei lehkmen ki jiatbru ka jylla Meghalaya wei daw pynkyruiñ ko yei khmat, i pyrkhat pyrdaiñ leh kiwa boon cha ka dustur riti ki bru ka jylla. Da ong u leh nalor kiwa da em chwa ki dur yong ki khlawait ka jylla, kini ki dur chaphang ka riti dustur leh man chooh chooh ki kam i spah ka Raj Bhavan. Deiwa yaroh ya ki kaam u Sadar Vallabhbhai Patel yow pynwandur yaka India kamwa tip i ka katni, u lat da ong u wa man ko i burom wow yoh wow booh yei dur (Portrait) u Patel ha i chram ka Durbar Hall.
Ha iwi tawon i liang, u lat da e kti u leh yaka Crystal Gayle Kharnaior Memorial Award 2020 cha u Pascal Mario Kmenlang Pathaw (Excellence in Visual Arts). Wei ya kani ka pynkup burom da pynman daka Riti Academy.
Kam wow kdaw heini wa yaka Crystal Gayle Kharnaior Memorial Award da sdang daka Riti Academy kam wow sah kynmoo tympang yaka Crystal Gayle Kharnaior yow tipmit ya kitu kiwa em yei sap ha kiwa boon ki liang. Ka Crystal Gayle Kharnaior man ko kawi kawa dooh yei mynsien ha u August 2017 hadien wa haap u dieñ wa heh uwa da ban yaka kari wa lai luti ko hajan Raj Bhavan.
