Wai u MDC ka Saphai ya ka Community Hall ka chnong Umsalait

Jowai: U MDC ka 13 Saphai Constituency u Chanky Lyngdoh ynne ka sngi da wai u ya ka Community Hall ka chnong Umsalait kawa da yarap poisa lyngba ka Special Assistance Central Plan Scheme (SACPS) u MDC.

U MDC hei klam yong oo da ong u wa katwon dap u dei mynsien kmen wa khroo wa yoh laad u yarap ya ka chnong Umsalait ha ka yalang wa wan sakhi kiwa chong chnong kani ka chnong.

Da yoh leh yei klam na u Waheh Chnong uwa da pynsñiaw yei sñiawkmen wa yoh yarap ki na kani ka Scheme wei da ong u leh wa nachwa ym joh yoh ki kam kani ka Scheme wei deiwa em kani ka Community Hall da yarap ko chiboon yei emkaam ka chnong ka thaw.