Tura : U Montri Rangbah ka jylla u Dr. Mukul M Sangma da wai u ya ka Jengjal Police Station ha ka yalang wa pynman ha Jengjal Secondary School Playground ynnin ka sngi. Da wai u leh ya u moo yurim wow chna ya ka sarok wa jrong 67 KM i bynta ka National Highway- 51 cha Bawegre ka wow lai lyngba ka St. Anthony’s Secondary School Baljek Agal.
Hei klam yong oo da ong wa sñiawkmen u wa ye u wanrah yeiwa kwah ki paidbah wei i wai ya ki Police Station wa thymme toh kam chibynta wow pynwiar yei lai chilliang ki kaam pynroi ha waroh kawi ka jylla wei kamjooh leh yow pynjan ya ki paidbah cha ki yungkrehkaam ka sorkar.
Da ong u leh wa kani ka Police Station daw yarap ko chiboon neibhah ki paidbah ym haap de ki u lai cha Tura neibhah ki kaam wa khian wa dai.
Kani ka Police Station u pait ko ya ki 53 tylli ki chnong wa kynthup ya Jengjal Bazar Area, Baljek Agal, Tappra, Basugre, Chiokgre, Chiok Songgital, Dollong Songma, Dallonggre, Jongdikgre, Ditdegre, Rangsigre, Anogre, Apalgre, Dikgolgre, Megapgre, Marakgre, Sangrenggre, Dilwanggre, Jadrenngre, Bawegre, Samingre, Dinginggre, Waribokgre, Gondenggre, Sarimgre, Waritonggre, Deranggre, Ronramgre, Megongdam, Dilbilbang, Jenjalgre, Ringgegre, Ringgi Apal, Dopananggre, Simdopgre, Silsekggre, Renchagre, Teksragre, Chikasingre, Kamagre, Rongdenggre, Addinggre, Dinamgre, Adugre, Wagechring, Butegre, Asim Gittim, Nengkalgre, Warisepgre, Tengchi Bazar, Gamagre wa Gindopara.
Ha kani ka sngi u Dr. Mukul leh da pynkup burom u ya kiwa dai Wholesalers wa ki Fair Price Shop Dealers ka West Garo Hills District wa kynthup ya ka Dadenggre Civil Sub-Division kam i dak sñiawngooh ka sorkar ya ki wa ye ki u pynkrehkaam ya ka National Food Security Act (NFSA), 2013 hapoh ka District.
U Montri Rangbah da ong u leh wa oo sñiawthooh u yei chem chitom ki Wolesaler wa ki FPS wow pynpoi thaw ya ki mar yong ki, kamtæ da pynbna u wa ka sorkar jylla da booh poisa ko T. 30.45 Klur ha u bnai Wisu uni u snem wow yarap hei su bai kari ya waroh ki Whosaler wa ki FPS hapoh ka jylla.
Discussion about this post