Ampati : Kam chibynta wow pynneh yei chongsuk chongsaiñ ha ki chnong ki thaw u Montri Rangbah ka jylla u Dr. Mukul Sangma da wai u ya ka thanat wa thymme wa tip kam ka Salmanpara Police Station wei da booh u ya u moonongrim wow chna ya ka hei emlang u Minister for Home (Police) u H.D.R. Lyngdoh.
Ha kani ka sngi da em leh u Montri ka Sports & Youth Affairs u Zenith Sangma, MLA ka thaiñ u W.D. Sangma, ka MLA ka Majendraganj ka Dikkanchi Shira, wa kiwi kiwi.
Kam wow pynkynmoo ka sorkar da pynbna ko wow pynmih ya 18 tylli ki Police Station thymme wei wow pynku kyrdan ya ki Police Outpost wa katni.
U Mukul hei klam da ong u wa kam chibynta wow pynneh yei synchaar wei krehkaam ka aiñ heiwa ki bru u im laitlooid ki ka sorkar da pynkhreh ko wow booh ya 18 tylli ki Police Station.
Da kyntu u leh ya ki paidbah wow yait ki na ki kaam tyngkheiñ aiñ næ ki kaam kiwa pyrchah ya ka imlang sahlang.
Hapoh ri-loom Jaiñtia daw yoh ya ka Police Station ha Nartiang heiwa daw Wai ya ka ha ka 11 Wisu.
Discussion about this post