Wai u Nitin Gadkari ya u sarok Jowai Ratacherra ha Shillong

Shillong: U montri ka sorkar pyrdi uwa pait ya ka Road Transport and Highways, u Nitin Gadkari ynne ka sngi da wai u ya u sarok two-lane Jowai-Ratacherra (Meghalaya-Assam Border) i bynta yong u NH-44 (New NH-06) nadooh Km 69.200 hadooh km 171.455 (102.255 km) ha ka yalang wa emlang u montri rangbah ka jylla, u Conrad K. Sangma, u montri rangbah ka Tripura u Biplab Kumar Deb, montri rangbah ka Arunachal Pradesh u Pema Khandu, u symbood montri rangbah ka jylla u Prestone Tynsong, u montri ka jylla wa pait ya ka Tourism u Metbah Lyngdoh, u montri ka Social Welfare Minister u Kyrmen Shylla wa u MLA ka Jowai, u Wailadmiki Shylla.

Hawa e i klam ha kani ka sngi u Gadkari da ong u wa ka sorkar pyrdi kheiñkor bha ko wow wanrah ya ki kaam pynroi ha ka thaaiñ mihsngi, da pynrap u deiwa ong wa ki sarok man ki kawi na ki laad wa ye wow yarap wow yoh yeini, neibhah pynku ko ya ki karkhana, ka rep ka riang wa kiwi kiwi.

Da ong chooh chooh u wa u chken ymtoh u pynemkaam ya oo du wow chna kot tangwa wot wow pynmih bor namo bio-energy deiwa kyntu ya ka sorkar jylla wow pynemkaam hok ko ya ki tiar ki tar wa em hapoh ka jylla.

U Conrad K. Sangma hawa e i klam da ong u wa kani ka sngi man ko ka sngi wow sah kynmoo ym du ya ka jylla tangwa wot ya ka thaaiñ wa ka ri hi waroh kawi. Deiwa e nongmuna wa kani ka thaaiñ ye ko u man ka pyrdi yong ka khayi pateiñ deiwa pyndep ya uni u sarok daw yarap ko chiboon wow kyntu kynrong ya ka khayi pateiñ waroh kawi.

Related posts

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Uni u sarok toh uwa jrong kamwa 102.255 km wei i kreh da sdang i nadooh ka 18-11-2015 wei da pyndep won ha ka 16-05-2018 hei dor T. 683 klur. Uni u sarok sdang u nadooh Km 69.200 yong u NH-06, kamwa 5 km na Jowai, West Jaiñtia Hills District wei kut u hadooh Km 171.455 yong u NH-06 ha Malidor, East Jaiñtia Hills District.

Uni u sarok em u 3 tylli ki yingkieñ wa heh, 34 tylli kiwa khian, 1 tunnel, 2 tylli ki Toll Plazas, wa 17 tylli ki Bus Bays.

Uni u sarok daw pynsuk u ya kiwa wan na Brahmaputra Valley, Silchar wa em hapoh ka Barak Valley, Assam, iwa pynyajan ya ki thaw wa em ha ki jylla kam ka Manipur, Mizoram, Tripura wa kiwi kiwi.