Ka Ministry of DONER da pynmih ko ya ka Website kawa kyrpang neibynta wow yarap ya ki khynroo khyllood ka thaaiñ mihsngi kawa da e pyrtuid “Advancing North East” kawa da chna wei pynwan dur da ka North Eastern Development Finance Corporation Limited (NEDFi) deiwa kyrchaan poisa da ka North Eastern Council (NEC).
I thmu yong kani ka Website toh wow pynyoh yutip ya ki khynroo khyllood hawa yatoh wa i kamai kajih lyngba ki kaam wa da seiñ da idæ lane ki kaam waphær waphær wa yahaap wa ka puræ ka yong ki.
Ya kani ka website www.advancingnortheast.in da wai pyrda da u President ka ri India u Ram Nath Kovind ha ka 4 tarik uni u bnai ha ka lehkmen ya ka North East Festival (Azadi ka Amrit Mahotsav) yong ka Ministry of DoNER ha Guwahati, Assam.
Ha kane ka lehkmen da ya embynta leh u Union Minister ka Ports, Shipping & Waterways, u Sarbananda Sonowal, u Minister ka Law & Justice, u Kiren Rijiju, u Union Minister ka DoNER, u G Kishan Reddy, u Union Minister of State ka Ministry of DoNER, u B L Verma deilang wa ki Governor wa ki Chief Minister ka thaaiñ mihsngi wa ki heh sorkar na kylleiñ ka thaaiñ Northeast, ka sorkar India wa kiwi kiwi de.
Ki khynroo khyllood ka thaaiñ daw yoh ki chiboon ki myntoi na kani ka Website neibhah da saindur ya kani ka Website deilang wa i emkti da kiwa boon walang ki bru wa mihkhmat ka Northeast kiwa da paaw ha ki kaam ki yong ki waroh wa kiwa e nongmuna wei kiwa ye ki u booddien.
