U Seiborlang Shadap uwa man u MDC ka Sutnga-Narwan ynnin ka 17 tarik da wai paidbah u ya ar tylli ki Community Hall hapoh ka chnong Narwan wei ya kini ki yung kiwa dang chna thymme da mang da u MDC lyngba ka SAG Scheme kawi ha u snem 2018-19 kawa man leh ka yung krehkaam ka Arts and Culture yong ka Seiñ Raij Narwan hei lut i sep iwa man T. 5,00,000 wa sa kawi won ha u snem 2020-21 kawa man leh ka yung krehkaam ka Narwan Social & Cultural Sport Club hei lut wa man T. 10,00,000.
Ka Dorbar Chnong Narwan chirup waka seiñ Raij Narwan kamjooh ka Narwan Sport Club da e khublei ki ya u MDC wada e yarap u cha ka chnong ya kini ki ar tylli ki yung kiwa emkaam yong ki paidbah wa chong chnong.
Ha kani ka sngi u MDC da wan wai u leh ya ka Fete wa pynman da ka Narwan Secondary School, Narwan ryngkat i ya emlang kiwa yahkhmat chnong wa ki waheh dong wa ki paaid chong chnong.
Neiliang ka Dorbar Chnong da pynsñiaw ko yei sñiaw burom wa i sñiawngooh ya u MDC uwa chynna sakhiat yei eh i khoo ki kup chiliang ki sem chiliang deiwa pyn-ehbok ya oo wa u Blai u emlang u chirup wa oo yow yoh yei doh i pran iwa chait wa khlan, khamtam yow nang ye u wow chakri ya ki paidbah ka thaaiñ ha waroh ki liang.
I pyntip na u Leo Shadap, General Secretary ka chnong Narwan.
