Ynne ka sngi, u Superintendent of Police ka East Jaiñtia Hills, u Deepak Palecha da wan wai u ya kawi na ki thaw kawa wa da mang kyrpang neibynta ki khynnah donhi hapoh ka District ya kawa em ha Khliehriat Police Station.
I thmu wow wai ya kani ka kamra krehkaam wa kyrpang toh wow wanrah yei suk mynsien ki khynnah u klam wa ki bor ka aiñ la heiwon iwon i bynta ka aiñ.
Ha kani ka sngi neiliang u SP ka District hawa e yei klam da kdaw u ya ki kattu katni ki bynta wa da sdang ya kani ka thaw deiwa bood ya ki kyndon ka Juvenile Justice (Care & Protection) Act, wow wanrah i krehlang ki chnat hapoh kawi ka yung katkam ki kyndon ka aiñ, wow pynsñiawthooh yei hok ki khynnah ha ki thaw kreh wa kiwi kiwi khamtam wow kyrchaan ya kiwa emkaam yarap wut-wut.
Ha kani ka sngi da emlang leh ki sahep pulit naka Khliehriat Police Station, ka Childline, wa kiwi kiwi.
