Shillong: U MP ka Shillong, u Vincent H. Pala, ynne da wai u ya ka District Kisan Mela 2019 ya kawa pynman da ka Project Director, Agricultural Technology Management Agency, South West Khasi Hills District hajrong ka phang “Increasing Farmers income through Latest Agricultural Technologies” ha District Agriculture Office, South West Khasi Hills District hei emlang ka I. Laloo, Deputy Commissioner ka South West Khasi Hills District, Mawkyrwat.
U Vincent hawa e yei klam da ong u wa kani ka mela man ko ka rynsaan ya ki warep kamjooh kiwa thied mar heiwa yei ki u phyllu yumut para ki wow ye u kyntu kynrong ya ka rep ka riang wei kammon wow ye ki wow song ya ki mar rep yong ki.
Da pyntip u leh wa ka sorkar pyrdi pynlait ko T. 60 klur ha ka rep ka riang heiwa 68% kiwa chong chnong ka ri toh ki warep wei ka sorkar yarap ko leh ym du wow pynku yei pynmih mar rep tangwa wot wow pynlai yaaw ya ki deiwa pynemkaam ya ka stat ka juk katni.
Da kyrmen skem u leh wa lyngba ka esikai namo ka Technical Session ha kani ka mela ki warep daw yoh ki chiboon bha i yarap.
Discussion about this post