Jowai : U Vincent H. Pala MP ka 1-Shillong Parliamentary Constituency da wai pynem warom u ya ka yung dorbar yong ka Mowtyrshiah B ha ka 4 tarik uni u bnai hei emlang u Coming Ymbon, MLA ka 3 Raliang, u Andrew Shullai, Dy CEM ka JHADC, u Winning G Sungoh local MDC, u Rio Sten, MDC, u Sevenborn Tang, MDC, u Mihsalan Suchiang MLA warim, u BDO ka Laskein Block hei em lang ki Waheh Chnong yong ki chnong waphær waphær.
Ya kani ka Dorbar Hall da chna dei yarap u M. Suchiang nadooh i por yong oo kam u MLA wei na u ma Qually Suiam, MDC warim wei da ye u pyndep na i yarap u MP na ka MPLAD Scheme.
Ya ka yalang da pyllai da u W. G. Sungoh, MDC ka thaiñ.
U Vincent Pala hei klam kam u kongsan da yaroh wei da kyntu u ya ki wa chong chnong wow man ki ki bru wa kreh chitom hei kaam rep kaam riang da ong u wa u chyrmit wa mih na kani ka thaiñ man u u wa bha wei ye u chna dawai wow pynbha ya kiwa boon ki jait kjut wei da tipmit leh ya oo ha waroh ka ri India wa ka pyrthai.
Da e yumut u wow emkaam kawi ka Community Centre wow pyllang ya ki mar rep yow suk u ya dai ya thied wei neiliang yong oo leh smat u wow yarap ya kiwa rep lada sñiaw emkaam ki yeini.
Da kyntu u leh ya ki wa chong chnong wow man ki wa ya tylli ha waroh ki liang.
Da pynphooh ya katai ka sngi da program wa boon jait kam ki chaad tynre wa i Chaad Laho ha pyrdi i sakhi u paidbah wa boon wa wan cha ka yalang.
Discussion about this post