Shillong: Ka 7-day State Level Exhibition hapoh yong ka National SC-ST Hub of Ministry of Ministry of Micro, Small and Medium Enterprises (MSME), Government of India kawa da pynman da ka Department of Commerce & Industries, Government of Meghalaya, da sdang ko ynne ka sngi ha 5th Ground of J.N. Sports Complex, Polo Shillong.
Ha kani ka sngi u Wailadmiki Shylla, MLA ka Jowai uwa man leh kam u Chairman, Meghalaya Commission on Resource Mobilization (MCRM) da wan wai u ya ka kam u kongsan.
U Wailadmiki hawa e i klam da ong u wa kam kani ka yaaw pynyoo rong man ko ka rynsaan kawa daw yarap ya ki bru samen kiwa da sdang kamjooh kiwa daw sdang wow seiñ khih hajrong ka sap kawa em ki ha ki chooh chooh daw yarap ko leh ya ki wow pynku ya ka lap ka yong ki.
Hawa batai hajrong ka SC-ST Scheme yong ka MSME, da ong u wa ka Hub daw ye ko wow e yarap ya ki bru samen wa wan na ki jaitbru khian paaid kam ki Scheduled Caste wa Scheduled Tribe heiwa u ye ki wow pynbiang ya ki kyndon wada booh da ka sorkar pyrdi kam ka Procurement Policy Order 2012, wei wow yoh myntoi na ka Stand Up India kawa da sdang wei da pynchlur da ka sorkar pyrdi.
Da ong u wa ka MSME yarap ko ya kiwa seiñ khih ha ki sor wa ki nongkyndong wow kyntu kynrong ya ka khayi pateiñ hapoh ka ri.
Kiwi kiwa da em ha kani ka sngi toh u M.R. Synrem, Commissioner and Secretary, Commerce and Industries, wa kiwi kiwi ki sahep na ka sorkar pyrdi wa ka sorkar jylla.
Discussion about this post