U Montri Khynnah ka sorkar pyrdi, wa pait ya ka chnat ki kaam baar ri wa i puræ puthi, u Rajkumar Ranjan Singh, ynne da wan u ha East Jaiñtia Hills District neibynta ar sngi chirup wa u D.K. Singh, OSD yong uni u Montri, hei emlang u A. Baranwal, Deputy Commissioner, u S. S. Syiemlieh, Addl. Deputy Commissioner wa kiwi ki sahep ka District.
Ynne ka sngi uni u Montri da lai pait u ya ka Health and Wellness Centre ha Dkhiah West heiwa da yaklam u wa ki paidbah wei da kylli u yei chakri kani ka thaw kam ki dawai, i sumaar ya kiwa chitom, i e tika COVID, ka Ayushman Bharat, E-SHRAM Registration wa ka um ha ka chnong.
Kiwi ki bynta wa da yaklam kynthup ki ya ka PM-Kisan, Pradhan Mantri Awas Yojana (PMAY), Jal Jeevan Mission (JJM), Pradhan Mantri Ujjwala Yojana (PMUY), Ujala Led Bulb Scheme wa kiwi kiwi.
Da lai pait u leh ya i dukan rachon namo ki Fair Price Shop ha Byndihati, heiwa ka tre dukan da pyntip ko wa em 135 ngut kiwa yoh myntoi hapoh ka “Pradhan Mantri Gareeb Kalyan Anna Yojana” Scheme ha ka chnong wei da pynyoo ko leh kammon wa pynemkaam ya na kor E-PoS hawa saam ya ki marbaam.
Da lai u leh cha ka Anganwadi Centre ha Tuber heiwa da yaklam u wa ki Anganwadi Workers wa kiwa yoh myntoi na ka Scheme “Poshan Abhiyan” wa ki kaam wa leh neibynta ki khynnah ha kani ka thaw.
Ha kani ka sngi da lai pait u leh ya ka Turmeric Processing Unit hapoh ka Mission Lakadong ha Shangpung, West Jaiñtia Hills District.
