Shillong: U montri rangbah ka jylla, u Conrad K. Sangma chirup wa ka montri ka sorkar pyrdi wa pait ya ka Textiles ka Smriti Irani ynne da booh mooyurim ki ya ka Integrated Textiles Tourism Complex ha Nongpoh, Ri-Bhoi District Meghalaya.
U Conrad hawa e yei klam da ong u wa kani ka Project daw yarap ko ym du ya ki warep wa ki bru wa pynwandur ya ki tangwa wot ya ka kaam uiñke suwari leh kamjooh.
Da pyntip u wa ka sorkar wanrah ko chiboon ki program wow pynmiat ya ka kaam thaaiñ that, kamjooh leh wa ka jylla em ko chiboon ki mar wow yarap pynmih ya ki that.
Neiliang ka Smriti Zubin Irani da ong ko wa ka rukok im, ka kaam thaaiñ tiar wa kiwi kiwi hapoh Meghalaya man ki kiwa kyrpang wei ka sorkar pyrdi u yaleh ko katwa ye wow pynmiat wei wow pynku ya kani ka bynta khamtam ka kaam thaaiñ that.
Da ong ko leh wa kamwa 30,000 ngut na ka jylla u chah sikai ki hapoh ka Samarth
Scheme yong ka Ministry of Textiles wei da bhah T. 8 klur neibynta ka program neibynta ki 7200 ngut napoh Meghalaya ha ka kaam thaaiñ that.
Da pynrap ko leh wa ka sorkar pyrdi da wanrah ko ya ka Identity Card wa tip kam ka ‘Pehchaan’ wow yarap da ki tiar cha ki bru wa wan na manyung wa dooh ha Meghalaya, da em kamwa 3000 ngut kiwa pyndap wow yoh myntoi na kani ka program.
Da ong ko leh wa neidaw wa ka Meghalaya mahajon ko ha u ryndia ka sorkar jylla toh u pynemkaam ko yeiwa da em chwa hapoh jylla wow pynbna yeini cha kylleiñ ka pyrthai.
Ha kani ka sngi ka montri da saam ko leh ya ki tiar cha kiwa yoh myntoi na kani ka program.
Discussion about this post