Ka yalehbol yong lok wa tip kam ka Charitable Football Friendly Match wa pynlai da ka Sohkha Shnong Everlasting Sports Club, West Jaiñtia Hills District da man ko kawa lai bait lai ryntih ynnin ka sngi deiwa ya chimbynta ki ar liang kamjooh leh i sakhi ki paidbah wot hapyrdi i pynthut u slap.
Ha kani ka yalehke yong lok ka yakhun da man ko ha pyrdi ka MSA Team, Shillong ka dhab u D.P. Wahlang, Chief Secretary ka sorkar jylla pyrchah yaka Sohkha Shnong Everlasting Sports Club, wei ka yalehke da man ko kawa ya thaiñ bha kawa da kut da 2-2.
Chwa u sdang ka yalehke ha ka yalang tbian wa pynlai da u Kitbok Khonglah, dkhot ka Executive Committee ka Sohkha Shnong Everlasting Sports Club, da pynkup burom ya u D.P. Wahlang da ka Sohkha Shnong Everlasting Sports Club wa ka Dorbar Chnong Sohkha.
Neiliang u D.P. Wahlang hawa e yei klam da kyntu u ya ka Sports Club wow em ko i yatylli, i kreh chitom khnang yow ye u ku chaphrang wei kamjooh leh u ye wanrah yei burom ka Sports Club kawa man leh heijooh i por ka burom yong ka imlang sahlang waroh kawi.
Ya kani ka Charitable Football Friendly Match namo ka yalehke yong lok da pynman kam chibynta u pynmih yaka yarong poisa ka Sohkha Shnong Everlasting Sports Club.
