Kiwa rwai wei tem sur tynre ka West Jaiñtia Hills da chimbynta ki ha ka yakob rwai tynre wa da pynman ha Thomas Jones Synod College, Jowai haka 9 tarik da ka Society for Urban and Rural Empowerment (SURE) deiwa ya krehlang waka Red Ribbon Campaign ka Thomas Jones Synod College kam chibynta wow pynsñiawthooh paidbah chaphang u i ku kiwa yoh HIV hapoh ka jylla.
Ka SURE toh kawa pynkrehkaam leh yaka Link Worker Scheme (LWS) kawa kyrchaan da ka Meghalaya AIDS Control Society (MACS) yow ya krehlang wa ki bru wa em ya u khñiang HIV yow tip ki u chim kabu ya ki laad yarap wa e da ka sorkar.
Kiwa wan u chimbynta ha kani ka yakob da em ki 12 ngut kiwa kynthup ya 3 tylli ki dhab wa 9 ngut kiwa rwai samen heiwa da yoh nyngong da ka dhab u Maximillia Chullai & Partners, hei wa ar da yoh Ki Mookhuri katwa hei wa leh da yoh ka Luminary Liam (Solo).
Ha ka yalang chwa wow pynman yaka yakob, da emlang ka DV Lyngdoh, Additional Deputy Commissioner, West Jaiñtia Hills District kawa da kyntu ya ki khynroo khyllood wow tip ki chaphang i ktah ka AIDS wot yaka imlang sahlang.
Neiliang ka Dr . E. Laloo DM&HO ka West Jaiñtia Hills District da khut ko ya ki paidbah wow ya krehlang ki pyrchah ya ini i kjut katwa u Wilson Dohling naka MACS uwa pait yaka Link Worker Scheme da khana u chaphang joor ku kiwa yoh HIV hapoh ka jylla khamtam ha ki District ka East wa West Jaiñtia Hills.
Discussion about this post