Ka World Music Day 2025 da lehkmen chongchit ka ynne ha Jowai da ka tem ka put, i rwai i siaw wa da pynman ha District Library Auditorium, Mynthong, Jowai da ka yung krehkaam u Deputy Commissioner ka West Jaiñtia Hills District.
Ha kani ka lehkmen da wan wow chimbynta da kiwa rwai wa tem na kylleiñ ka District wa kynthup ya ka ELEV8 Choir, ki Magnificent Obsession, ki Reggae Collective, ki Larger Than 90, ki TSEVA, ka Eniba War, ka Morealda Pasweth, u Effie Vanroi Ryngkhlem wa u KER E.
Neiliang u Deputy Commissioner, u Abhinav Kumar Singh hawa e khublei World Music Day da ong u wa ynne ka sngi ymtoh du neibynta ka put ka tem tangwa i ya wanlang kam ka imlang yow lehkmen. Da ban joor u leh yeiwa emkaam ya waroh nadooh kiwa da heh wa kiwa dang khynroo kiwa na kiwa boon ki jaitbru wow yatylli ha ka jait ktien wa i sur i rwai pynsñiawthooh deilang ko ya waroh.
Chooh chooh da ong u wa ye u em i khynnah khian wa dang sdang kynood sur, uwa dang khai khynroo wa sdang wow maya yei sur yong kiwa rwai wa dang chem thymme u hadooh kiwa da tymmen kiwa kynmoo ya ki sur yong rim, kamtæ da ong u wa i sur i rwai toh iwa pynwandur yei rukom sñiaw i wei iyi wa da kynmoo tympang i.
Da pynkut u deiwa ong wa i sur toh iwa ye wow e bor, wow e mynsien wei wow pynyatylli neibhah manda duna ki kyntien; i sur ye i wow pyndap wow pyntngen ya i heipor wa sñiawsih kamjooh hawa ya lehkmen.
Heiyatoh won wa ka riti dustur wa em hapoh ka District da ong u wa i rwai i tem ym em man du kam ka kaam pynwyrngia tangwa kawa man leh kam ka durkhmat wa tipmit ya ka jaitbru kamjooh ka riti dustur yong ki.
Da e kublei u leh ya waroh kiwa da chimbynta ha kani ka sngi.
Discussion about this post