Jowai: U MLA ka NPP na Dadenggre u James K. Sangma ynne i janmiet da wan e khublei Behdieñkhlam u ya ki khon ka Raij Jowai deiwa lai u cha ki chnong kiwa pynkhreh ya ki rong ki rup wa tip leh ki Rot.
Nyngkong u James da lai u na Chilliangraij, neitæ ha Loomkyrwiang, Loompyrdi Iongpiah, Loomiongkjam, Panaliar, Dulong, wa ha Tpep-pale.
Da lai kyrpang u leh cha Yung Langdoh heiwow e khublei u ya kiwa ksoh kaam niam, wei da yachem u leh chibet chipor wa u Kñi ka Raij u, EMH Passah, u Vice President ka Seiñraij Jowai u O. Lakiang.
Neiliang u James da ong u wa wan u ynne ka sngi toh wa deilangær yoo u ya ka Behdieñkhlam du ha ka sngi khaddooh tangwa ynne won da yoo wei da rap sñiawthooh u leh ya ka.
“Dap O dei mynsien wa kmen wow yoh u sakhi ya ka Behdieñkhlam kamni heiwa da pynyoo ya ki sap yong ki bru yong i wow chna wei wow pynwandur ya ki rot” da ong u James.
Da pynkut u leh deiwa yaroh yaroh ya ki khon ka Raij heiwa ha ka Behdieñkhlam da ya emkti lang waroh, nadooh kiwa khian hadooh kiwa heh wow pynkhreh ya ki rot kamjooh leh kiwi kiwi.
Discussion about this post