Ka NEDFI (North Eastern Development Finance Cooperation Ltd) kam chibynta ka PM-TBMBA, ynne da wan e yarap ko ya kiwa dih dawai TB kam chibynta wow lehkmen yei dap ko 30 snem hei chakri paidbah. Heini i e yarap da wanrah da ki baam (Food Basket) wow sam cha ki 100 ngut kiwa kjut TB hapoh ka West Jaiñtia Hills District.
Ka NEDFI toh kawa e yarap ya ki bru kiwa emkaam yarap ha ki liang poisa poilaiñ deiwa e ram wa kiwi de ki jait kaam kam kini.
Ka Dr. P. Lamare, District Tuberculosis Officer da batai ko kattu katni chaphang ka kjut TB deiwa kyntu ko ya ki paidbah wow wan ki chakhmat neibynta wow leh ya ki Test kiwa emkaam khnang wa lada jia wa chem ya kiwa em kjut TB wow yoh ki yei sumaar heipor wa biang.
Ha kani ka yalang da emlang neiliang ka chnong Panaliar nadooh u waheh chnong, u Riquoma RQ Laloo, u Secretary chnong, u Ryngkat Syngkon wa ki kattu katni ngut ki dkhot ka Women’s Wing yong ka chnong.
Neiliang u waheh chnong da kyntu u ya ka yung krehkaam ka District Tuberculosis Officer wow kreh bha yei kaam katkam wa da bynta ha ki. Da kyntu u leh ya kiwa chitom wo dih dawai tikna khnang wow yei ki u chait biang na i kjut yong ki. Da kyntu kyrpang u leh ya ki paidbah wym hoi u sarom, tangwa wow ya krehlang ki deiwa mih chakhmat wow leh ya ki Test kiwa emkaam.
Discussion about this post