Ynnin ka 9 tarik, u waheh chnong warim ka Tuber Kmai Shnong u Graham Lyngdoh waka Dr. Ebunki Lyngdoh kawa man ka pyrsa tre u deilang i synran lang u Rikut Parien wa ki paralok da lai e yarap ki cha ka thaw ri khonswet ka chnong kawa tip kam ka 7thyndai Childcare Institute.
Da yoh i kyntien pdiang burom naka Chairperson yongka 7thyndai Childcare Institute ka Tiewmihpli Lyngdoh.
Da yoh i kyntien sneiñ wa ki kyntien kyntu naka Dr. Ebunki Lyngdoh wa kammon u ye u yaleh pyrchah ya uni u khñiang COVID-19, da ong ko leh lyngba i lehkhooid wei u leh yaka Social Distancing donhi u ye u yaleh pyrchah ya uni u khñiang.
Hawa khaddooh da yoh i e sñiawbha na u Graham Lyngdoh daki marbaam mardih deilang waka poisa wa i klam sneiñ kyntu.
U Graham deilang wa u waheh chnong thymme u Jiedlang Sana man i por da jooh yarap bha ki cha ki dong ki chnat, ki lok ki jor kiwa chem chitom, tangwa ha uni u snem da pyrkhat jngai bha ya waroh ki lok ki jor kiwa ya emlang chirup wa ki khon ki kti yong ki kam ha kini ki por iwa sñiaw dap baam bait hanla duna leh, katwa ki pli kitai ki khonswet kiwa em heitai lada duna sa i baam hadooh katwon ktah bha ko ya ki pli, booh u leh yei kyrpaad cha ki seiñbhalang waki bru samen u sñiawbha ki u raplang ya kini ki khynnah khonswet yong ka thaaiñ yong i.
Kawa khaddooh da yoh i kyntien khublei wei kyntien kyrkhu kyrdoh na u Rikut Parien.
Kani ka khubor toh katkam wa da phah da u Wanthmu Phawa uwa e buit ka chnong Tuber Kmai Shnong.
Discussion about this post